“మానవత ” సేవలను కృష్ణా, అనంతపురం, చిత్తూరు, నెల్లూరు జిల్లాలకు విస్తరించే క్రమంలో కృష్ణాజిల్లాలో  ఇప్పటికే 6 శాఖలను ప్రారంభించడం జరిగింది. 35,000 మంది సభ్యులతో ఈ సంవత్సరం 15 శాఖలను వర్పాటుచేయుటకు కృషి జరుగుతోంది.

నిరుపేదలకు, కష్టాలలో వున్న వారికీ ‘మానవత సంస్థ ఉన్నదనే భరోసా కల్పించే విధంగా పనిచేయడం మన ప్రధాన ఆశయంగా ఉండాలి. ఉత్తమ సమాజం అనేది “విద్య” ద్వారా మాత్రమే సఫలమవుతుందని మానవత నమ్మకం. అందుకోసం పాఠశాలలు, కళాశాలలలోని విద్యార్థులకు నైతిక విలువలు, వ్యక్తిత్వ వికాసములపై అవగాహన కల్పించి, ఉత్తమ సమాజమును నిర్మించే దిశలో కృషి చేయడం, పర్యావరణ పరిరక్షణకై మొక్కల పెంపకం, ప్లాస్టిక్‌ వాడకం తగ్గించుటపై ప్రజలలో అవగాహన పెంచడం, ప్రతి జల్లాలోనూ అన్ని గ్రామాలలో సంవత్సరానికి కనీసం ఒక వీధిలో మానవత ఆధ్వర్యంలో మొక్కలను పెంచుట ద్వారా సమాజ వికాసానికి కృషిచేద్దాం.

వ్యక్తిగతంగా కూడా మన శక్తి మేరకు ఆర్థికంగా సేవలు అందించగలిగితే మరింత మంచి ఫలితాలు ఉంటాయి. దీని వలన మనకు ఎంతో ఆత్మ సంతృప్తి లభిస్తుంది. ఇదే దిశలో నాకు వచ్చే నెలవారీ పింఛన్‌లో అధికభాగం పేద విద్యార్థుల చదువులకు, ఆపదలో వున్నవారిని ఆదుకోవడానికి వినియోగిస్తున్నానని తెలియ జేయడానికి ఎంతో సంతోషిస్తున్నాను.

హనుమాన్‌జంక్షన్‌లోని ఆదిత్య బదిరుల పాఠశాలకు 7 లక్షల రూపాయలతో స్థలం కొని ఇవ్వడం, కృష్ణాజిల్లా కలిదిండి మండలం మానవత శాఖకు 3.50 లక్షల రూపాయలతో నా తల్లిదండ్రుల జ్ఞాపకార్ధం శాంతిరధాన్ని సమకూర్చడం, పామర్రు శాఖకు 60 వేల రూపాయలతో మా పిన్ని బాబాయిగార్ల పేరిట ఫ్రీజర్‌బాక్స్‌ని అందించడం, అప్పనవీడు ‘హైస్కూల్‌కు విద్యార్థుల ఫర్నిచర్‌ నిమిత్తం 1.25 లక్షల రూపాయలు అందించగలగడం నా అదృష్టంగా భావిస్తున్నాను. దేశ విదేశాలలో వున్న ఈ హైస్కూల్‌ విద్యార్థుల నుండి 86 లక్షల రూపాయల విరాళాలు సేకరించి, పాఠశాలకు సిమెంట్‌ రోడ్‌, ప్రహారీగోడ, భోజనశాల, కళావేదిక, బోర్‌వెల్‌ వంటి మౌలిక సదుపాయాలు కల్పించడం వంటివి నా జీవితంలో మరపురాని ఘట్టాలు. ఇదే విధంగా ‘మానవతి సభ్యులందరూ తమ శక్తి మేరకు వివిధ కార్యక్రమాలు తీసుకోవాలని ఈ సందర్భంగా కోరుతున్నాను.

శాంతి జీవనము వల్ల కలిగే లాభాలను శాంతి ర్యాలీల ద్వారా ప్రజలకు వివరించి, శాంతి జీవనము వైపు మళ్లించుట మన ప్రధాన ధ్యేయంగా పనిచేయాలి.

ఇట్లు,

మారుబోయిన కోటేశ్వరరావు
జిల్లా అధ్యక్షుడు
ఫోన్‌: 89858 62096